مسنجر الميغ للكومبيوتر افضل برنامج ومجاني

مسنجر الميغ للكومبيوتر

خطوات التنصيب

اول شي حمل البرنامج من الرابط التالي [ندعوك للتسجيل في المنتدى أو التعريف بنفسك لمعاينة هذا الرابط]

ولما يكتمل التحميل تفتح الملف المضغوط يلي نزل بجهازك ورح تلاقي 3 ملفات مرقمة تشغلها بالترتيب
الملف الأول اسمو (تنصيب)ـ
شغلو وضل تكبس
next
واذا طلعلك رسالة خطأ اكبس تجاهل لحتى يخلص التنصيب
ملاحظة هامة: لا تغير مسار التنصيب مشان ما تخربطلنا الشغل مع الكراك

هلأ اذا اشتغل المسنجر بعد ما خلص التنصيب كبوس اغلاق البرنامج (سكرو)وبعدها
شغل الملف التاني ييلي اسمو (تسجيل الملفات)ـ
و بعد ما يخلص رح يفتح برنامج ما فيه غير كبسة وحدة اكبسها
register

وبعدين سكر هالبرنامج و شغل الملف التالت (الكراك)ـ
و هاد كمان رح يخلص لحالو و بعدا يفتح البرنامج و مبروك عليك البرنامج


ملاحظات هامة جدا

اول ما تشغل البرنامج رح تفتح نافذة صغيرة فيها يوزر نيم وبروكسي وهيك .. لا تغير فيها شي بس اكبس
submit
وبعدين رح يفتح المسنجر وتلاقي مكان تحط فيه اسمك والباسورد وتفوت

انا دمجت برنامج المسنجر مع برنامج كاسر بروكسي مشان يفتح الصفحات والافتار.. لأن موقع الميغ محجوب
و كمان حطيت البروكسي تبع موقعنا ضمن البرنامج مشان يفتح خاص ورومات

ولو شغلت المسنجر بدون كاسر البروكسي
Free gate
رح يشتغل و يفتح خاص ورومات بس ما رح يفتح الصفحات وا لبروفايلات وا لافتارات
و رح تلاقي عندك اختصار عسطح المكتب بيشغل البرنامجين مدموجين

يلي مشغل انترنت من خط سيرف رح يشتغل عندو نظامي

أما يلي خطو وايرلس او (دي اس ال)يعني من البريد
فما رح يمشي الحال عندو
الحل: انك تفعل بروكسي مأجور لأسمك ومن البرنامج تكبس عالقائمة اوبشنس
option
وتختار Preference
وبعدا من اليمين تختار كونكشن
Connection
وهنيك تحط البروكسي المأجور و المنفذ
وتكبس done


اذا سألك النظام خلال التنصيب او وقت تشغيل البرنامج
هل تريد اجراء تغييرات على النظام
أو هل تريد السماح
أو اذا نط مضاد الفيروسات
حط السماح أو الغاء الحظر أو الوثوق بالبرنامج
وهيك ..فهمت قصدي مو؟؟؟
نسيت خبركن ان هالبرنامج في ناس عم تبيعو بمبلغ 5000 ليرة..تخيل الاستغلال!!ـ